Дибала “Ювентус“да қолиши мумкин. Агар...

“Ювентус“ футболчиси Пауло Дибала жамоа билан шартномасини узайтириши мумкин. Агар унинг агенти Паулони Туринда қолишга кўндира олса, “Юве“ раҳбарияти ҳужумчининг маошини оширишга тайёр.

“Calciomercato“ нашрининг хабар беришича, аргентиналик истеъдод соҳиби мавсум якунлангач, эркин агент сифатида “зебралар“ сафини тарк этмоқчи. У бошқа гранд клубларда ҳам ўз омадини синаб кўришни истаяпти. 

Шунга қарамай, туринликлар етакчисини текинга қўйиб юбормоқчи эмас. Улар футболчи билан ҳар қандай шарт эвазига амалдаги шартномани узайтиришга ҳаракат қиляпти.

Маълумот ўрнида, Пауло Дибала ушбу мавсум А Cериянинг 20 учрашувида 7 гол ва 5 ассист муаллифига айланган.