Диего Костанинг қачон майдонга қайтиши маълум бўлди

Мадриднинг “Атлетико” клуби форварди Диего Коста қанча муддатга сафдан чиққани маълум бўлди.

Эслатиб ўтамиз, 31 ёшли футболчининг умуртқа поғонасида диск чурраси аниқланган эди.

Marca нашри тарқатган хабарга кўра Коста бугун жарроҳлик амалиётини бошдан кечиради. Шундан сўнг у тахминан 3 ҳафта майдонга туша олмайди.

Маълумот учун, Коста жорий мавсум “Атлетико” сафида 15 та ўйинда майдонга тушди ва 2 та гол ҳамда 3 та голли узатмага муаллифлик қилишга эришди.