Диёр Имомхўжаев "Навбаҳор" ҳақида фикр билдирди

ПФЛ бош директори Диёр Имомхўжаев "Навбаҳор" аввалги хатолардан сабоқ чиқариб ҳаракат қилаётгани ҳақида телеграмдаги саҳифасида пост қолдирди.

- "Навбаҳор" аниқ режа бўйича ҳаракат қилаётганини эътироф этиш керак. Айни вақтда клуб россиялик мутахассислар билан келишув битимини ОФК платформасига юклаш ишлари билан банд. Ёдингизда бўлса, айнан шу масала сабаб "Навбаҳор" 2022 йилги мавсум учун ОФК лицензиясини қўлга кирита олмаганди. Ишлар шу йўсинда давом этса ва бошқа муаммо келиб чиқмаса, "Навбаҳор" 2023 йилги мавсум учун лицензиялаш талабларини тўлиқ бажариши катта эҳтимол.

Сўнгги тўрт йил "Навбаҳор" учун осон бўлмади. Бунинг, албатта, яхши томони бор. Эндиликда клуб қандай ишлаш кераклигини яхши билади, - деди Диёр Имомхўжаев.