Diyor Imomxo‘jaev O‘zbekiston kubogi yana surilgani, “Paxtakor”, “So‘g‘diyona” va “Bunyodkor”ga engillik berilishi haqida gapirdi

O‘zbekiston kubogi musobaqasining taqdiri hamon qorong‘uligicha qolmoqda. Endi qaysidir sanada o‘tkazish rejalashtirilayotgan pallada yana ortga surildi.

Diryo Imomxo‘jaev telegramdagi sahifasida rejadagi kubok uchrashuvlari borasida quyidagilarni yozib qoldirdi:

- 9-17 noyabr FIFA kunlari. O‘zbekiston milliy terma jamoasi unda 2 ta uchrashuv o‘tkazishni rejalashtirgan.

Shundan kelib chiqib, biz 6-7 noyabr kunlarida O‘zbekiston Coca Cola kubogining dastlabki uchrashuvlarini o‘tkazib olishni rejalashtirgandik. O‘yinlar orasi ancha yaqin edi. Ammo Vadim Abramov milliy terma jamoani 6 noyabr kuni yig‘ishni lozim deb topdi. Kelishuvga ko‘ra, kubok uchrashuvlarini ham FIFA kunlaridan keyinga qoldirgandik.

Shundan kelib chiqib, Coca Cola Superliganing 22-tur uchrashuvlarini vaqtini klublar uchun biroz engillashtiramiz. Masalan, “Paxtakor”, “So‘g‘diyona”, “Bunyodkor” kabi klublar Chempionlar ligasi sabab ancha zich taqvimda qolishgandi. Shuningdek, o‘yinlarni jonli uzatish uchun Sport-TV bilan doimiy aloqadamiz.