Дональд Трамп: "Балоганнинг мусобақадан четлаштирилишини қайта кўриб чиқишни сўрадим"

АҚШ президенти Дональд Трамп Фоларин Балогуннинг жаҳон чемпионати 1/8 финалидаги ўйинга дисквалификация қилиниши атрофидаги вазиятга аралашмаганини, ФИФА раҳбари Жанни Инфантинага қандай қарор қабул қилиш кераклигини айтмаганини маълум қилди.

Оқ уйда журналистлар билан суҳбатда Трампнинг таъкидлашича, у фақат вазиятни қайта кўриб чиқишни сўраган, холос.

“Мен қилган ягона ишим – вазиятни қайта кўриб чиқишни сўраш бўлди. Чунки мен бу ерда қоида бузилиши бўлганига ишонмадим”, – деди Америка президенти.

“Мен унга (Инфантинага – ТАСС изоҳи) нима қилиш кераклигини айтмадим. Мен унга нима қилишни айтолмайман”, – дея қўшимча қилди Трамп.

5 июль куни маълум бўлишича, ФИФА Балогунга нисбатан дисквалификацияни кечиктириш ҳақида қарор қабул қилган. Бу қарор туфайли АҚШ терма жамоаси ҳужумчиси 1/8 финалда Бельгия термасига қарши майдонга тушиши мумкин бўлади. Бельгия футбол ассоциацияси эса ушбу қарорни расман рад этишини билдирган.