Дунёга машҳур клуб чемпионатда қатнашишдан бош тортди

Мисрнинг энг машҳур жамоаси “Замалек” коронавирус пандемияси даврида миллий чемпионатни қайта тикланишига қарши чиқиб, мусобақада қатнашишдан бош тортди.

Миср футболи раҳбарлари мавсумни якунлаб қўйиш мақсадида чемпионатни қайта тиклашга қарор қилди. Қоҳира шаҳри шарафини ҳимоя қилаётган “Замалек” эса бу қарорга қўшилмаяпти.

“Замалек” футболчилари карантингача миллий чемпионатда тўртинчи ўринда бораётган эди.