Дунёнинг энг бой инсонларидан бири Рунининг жамоасини сотиб олмоқчи

Америкалик миллиардер Майкл Делл Англиянинг "Дерби Каунти" клубини сотиб олишни режалаштирмоқда. Бу ҳақда The Telegraph нашри хабар тарқатмоқда.

Юқоридаги манбага кўра, инглиз клуби раҳбарияти айни дамда сайёрамизнинг энг бой инсонларидан бири билан музокараларни бошлаб юборган. Асосий масала Делл клубнинг қанча акциясини сотиб олиши билан боғлиқ.

Forbes талқинига кўра, Майкл Делл дунёнинг энг бой инсонлари рўйхатининг кучли 25 талигидан жой олган.

Эслатиб ўтамиз, айни дамда "Дерби Каунти"да англиялик машҳур футболчи Уэйн Руни ўйновчи мураббий сифатида фаолият олиб бормоқда.