Dzanolo “Roma” talabani bajarishdan bosh tortdi

Nikolo Dzanolo “Roma”dan ketishini e’lon qilganidan keyin unga bir necha klublar xaridor bo‘ldi.

Rim klubi rahbariyati ham yangi shartnoma berilmaydigan o‘yinchini sotib yuborib, g‘aznaga pul tushishi  va yangi o‘yinchi uchun joy ochilishini inobatga olib, muzokaralarni boshlab yubordi.

“Roma” xo‘jayinlariga Angliya premer-ligasi vakili “Bornmut”ning taklifi ma’qul keldi. Sport direktori Tyagu Pinto 23 yoshli futbolchiga aynan mana shu klubga o‘tish lozimligini aytdi.

Il Tempo nashr jurnalisti Filippo Biaforning ma’lum qilishicha, “Bornmut” Dzanologa katta maosh va’da qilganiga qaramay, universal o‘yinchi bu taklifni rasman rad etdi.