Дзюдо. Жаҳонгир Маматраҳимов ёшлар ўртасида жаҳон чемпиони

Айни кунларда Эквадорнинг Гуаякил шаҳрида дзюдо бўйича ёшлар ўртасида жаҳон чемпионати бўлиб ўтмоқда.

Кеча -90 кг вазн тоифасида юртимиз шарафини ҳимоя қилаётган Жаҳонгир Маматраҳимов барча рақибларини мағлубиятга учратиб, якунда шоҳсупанинг энг юқори поғонасидан ўрин эгаллади.

Бунгача -66 кг вазнда баҳсларда иштирок этган дзюдочимиз Азизбек Ортиқов кумуш медаль билан тақдирланган эди. Ғалабалар бардавом бўлсин!