Дзюдо. Ёш спортчиларимиз Осиё чемпионатига йўл олди

Бугундан Таиланд пойтахти Бангкок шаҳри ўсмирлар ва ёшлар ўртасидаги Осиё чемпионатига мезбонликни бошлади.

Ушбу қитъа биринчилигида 16 давлатдан 400 нафарга яқин ёш дзюдочилар ўз вазн тоифаларида ғолиблик учун татамига чиқадилар. Ўзбекистон терма жамоаси ҳар икки ёш тоифасида тўлиқ таркиб билан Осиё чемпионатида иштирок этади.

Камол Муродов ва Искандар Расулов мураббийлигидаги ёшларимиз қитъа чемпионатида иштирок этиш мақсадида Таиланд пойтахтига жўнаб кетди. Ёшлар ўртасидаги Осиё чемпионати 20-21 июль кунлари бўлиб ўтади.

Ўзбекистон дзюдо федерацияси матбуот хизмати