Дзюдочиларимиздан бу гал омад юз ўгирди

Хорватиянинг Загреб шаҳрида дзюдо бўйича Гран-при мусобақасининг иккинчи кун беллашувлари ўз якунига етди. Мусобақанинг ушбу кун дастури афсуски, вакилларимиз учун муваффақиятсиз тугади. 

Бугун татамига чиққан ҳамюртларимиз орасида -81 килограмм вазн тоифасида Мусо Собиров энг яхши натижага эришди. Вакилимиз бугун чорак финал босқичигача етиб кела олди. Гулноза Матниязова ҳамда Ғиёсжон Бобоев (-73 кг) эса биринчи беллашувдаёқ имкониятни бой бериб қўйишди. 

Гарчи медаль қўлга киритилмаган бўлса-да, айниқса, Мусо Собиров жаҳон ва Токио Олимпиадаси учун қимматли рейтинг очколарини жамғаришга муваффақ ўлди.