Дзюдочимиз бронза медаль соҳибига айланди

Ўзбекистон делегацияси "Париж-2024" ёзги Олимпия ўйинларида иккинчи медалига сазовор бўлди. Дзюдочимиз Музаффарбек Тўрабоев -100 кг вазн тоифасида бронза медалини қўлга киритди. 

Ҳамюртимиз учинчи ўрин учун кечган баҳсда испаниялик Николоз Шеразадишвилини ортиқча қийинчиликсиз таслим этди. 

Шу тариқа, Ўзбекистон делегацияси жамғарган медаллар ҳозирча 1 та олтин ва 1 та бронзага етди.