Дзюдочимиз "Галатасарой" таркибида Туркия вице-чемпион бўлди!

Куни кеча Истанбул шаҳрида дзюдо бўйича клублар ўртасида Туркия чемпионати бўлиб ўтди. 

Мусобақада Туркиянинг 16 та клуби чемпионлик учун кураш олиб борди. Терма жамоамизнинг етакчи дзюдочиси Шаҳрам Аҳадов Истанбулнинг "Галатасарой" клуби сафида Туркия чемпионати вице-чемпионига айланди. Аҳадов жамоаси таркибида 6 та ғалабага эришган. Чемпионлик эса "Коcаели" клубига насиб этди.

Бу ҳақда Ўзбекистон дзюдо федерацияси хабар бермоқда.