ЕЧЛ. "Бавария"дан голлар шоуси, Левандовскидан эса рекорд натижа!

Европа чемпионлар лигаси 1/8 финал босқичидан ўрин олган "Бавария" - "Зальцбург" учрашуви бўлиб ўтди. Унда мезбонлар йирик 7:1 ҳисобида ғалаба қозонди. 

Мюнхенликлар сафида Левандовски хет-трик қайд этган бўлса, Мюллер дубль муаллифига айланди. Шунингдек, Гнабри ҳамда Сане ҳам ўз номини таблога ёздириб қўйди. Австрия клуби сафида Кьергор ягона голга муаллифлик қилди. 

12, 21 ва 23-дақиқаларда гол урган польшалик ҳужумчи Европа чемпионлар лигаси тарихида энг тезкор хет-трик қилган футболчига айланди. 

Шу тариқа, Нагельсманн шогирдлари ЕЧЛ чорак финал йўлланмасини қўлга киритди. 

Эслатиб ўтамиз, ушбу жамоалар ўртасидаги илк беллашувда 1:1 ҳисоби қайд этилганди.