ЕЧЛ. Шунчаси етади! "Ливерпуль" кучли жамоаларни турнирдан чиқариб юборган "Бенфика"дан устун келди

Европа чемпионлар лигаси чорак финалидан ўрин олган "Бенфика" - "Ливерпуль" учрашуви якунланди. Унда "қизиллар" 3:1 ҳисобида рақибдан устун келди. 

Мерсисайдликлар сафида Конате, Мане ҳамда Диас гол урган бўлса, мезбонлардан Нуньес бир бора Алиссон дарвозасига йўл топа олди. 

Шу тариқа, Клопп шогирдлари жавоб учрашуви олдидан ўз имкониятларини яхшилаб олди. Иккинчи баҳс 13-дан 14 апрелга ўтар кечаси соат 00:00да бўлиб ўтиши режалаштирилган.