Эдерсон Туркия Суперлигаси жамоасига кўчиб ўтиши мумкин!

"Манчестер Сити" дарвозабони Эдерсон фаолиятини Туркияда давом эттириши мумкин. Бу ҳақда "Tribal Football" нашри хабар бермоқда.

Манбанинг ёзишича, бразилиялик посбоннинг хизматларига "Фенербахче" клуби қизиқиш билдирмоқда. Бундан ташқари, Саудия Арабистони чемпионати жамоалари ҳам Эдерсенни ўз сафига қўшиб олишни истамоқда. 31 ёшли кепер "шаҳарликлар" сафида 2017 йилнинг ёзидан буён ўйнамоқда. Томонлар ўртасидаги амалдаги шартнома 2026 йилнинг ёзида якунига етади.

Эслатиб ўтамиз, тажрибали посбон жорий мавсум Премьер-Лигада 19 та ўйин ўтказиб, 23 та гол ўтказиб юборган. Унинг нархи 25 миллион еврони ташкил қилади.