Элдор Шомуродов италиялик журналистларга жиддий мурожаат қилди

"Рома" клуби ҳужумчиси Элдор Шомуродов Ўзбекистон миллий терма жамоаси йиғинида берган интервьюси италиялик журналистлар томонидан нотўғри таржима қилинди. Унга кўра ҳамюртимиз клубида асосий таркибда ўйнашни хоҳлар эдим, деган гапларини хорижлик журналистлар асосийда тушмасам “Рома”дан кетаман, деб талқин қилган.

Ушбу ҳолатга футболчимиз инстаграмдаги саҳифасида муносабат билдириб, бу орқали италиялик журналистларга мурожаат қилди.

- Ҳаммага салом.

Интервьюларимдан бири нотўғри таржима қилинганини кўрдим. Яъни агар "Рома"да ўйнамасам, жамоадан кетаман, деб айтмаганман. Ҳеч қачон бундай фикр билдирмаганман.

“Рома”нинг бир қисми бўлганимдан хурсандман. Ҳар куни машғулотларда кўпроқ меҳнат қилиб, жамоадошларим ва мистер (мураббий)га ёрдам беришни хоҳлайман, - деди Элдор Шомуродов.