Элдор Шомуродов: "Ростов"дагилар мен нима хоҳлаётганимни жуда яхши билишади

Бир неча кун аввал ЎФА ҳамда ПФЛ йилнинг энг яхшиларини тақдирлаш маросимини ўтказди. Унда Элдор Шомуродов Ўзбекистоннинг 2019 йилдаги энг яхши футболчиси деб топилди.

Тақдирлаш маросимидан сўнг Элдор Шомуродов SPORTS.uz сайтига қуйидагиларни баён этди.

- Мукофот учун барчага раҳмат. Жамоадошларимнинг ёрдами билан рағбатлантирилдим. Ушбу ютуқда шерикларимнинг ҳиссаси катта.

Трансферим? Айни пайтда "Ростов" билан 3 йиллик шартномам бор. Келажагимни клубдагилар ҳал этишади. "Ростов"дагилар мен нимани истаётганимни жуда яхши билишади. Мен Европага кетишни хоҳлайман, - деди Шомуродов.