Элман Тагаев:
Ads

Жорий мавсумни «Навбаҳор»да бошлаб, дастлабки давра ўрталарида жамоани тарк этган туркманистонлик ярим ҳимоячи яна Наманганда тўп суриши мумкин. У билан қисқача суҳбатлашдик.

- Ҳозирда бирор жамоа сафида тўп суряпсизми?

- Йўқ. «Аҳал» жамоасида сафида формамни ушлаб туриш учун шуғулланяпман. 

- «Навбаҳор»дан нима учун кетгандингиз?
- Оилавий муаммолар туфайли Ўзбекистондан кетишга тўғри келган. Бошқа сабаб йўқ.

- Жамоа билан тузилган шартнома нима бўлган?
- Ўзаро келишувга кўра бекор қилинган. Ҳозирда эркин агентман.

- Яна «Навбаҳор»да тўп суришингиз мумкинми?

- Албатта. «Навбаҳор»да ўйнашга тайёрман. Қачон таклиф қилишса ўшанда таркибга қўшиламан.

- Бир вақтлар Раҳим Қурбонмамедов «лочинлар»га устозлик қилганди. Ҳозир қаерда ишлаяпти?
- Қурбонмамедов «Шагадам» жамоасида ишламоқда. 2005 йили кўплаб юртдошларим Наманганда тўп тепишган. Голеадорлик маҳоратини кўрсатган Ориф Мирзоевни акамдек кўраман. 

- Андрей Канчельскис жамоани тарк этган...
- Ҳа, хабарим бор. Янги мураббий Деян Журжевич ҳақида эшитганман. Тажрибали мураббий деб ўйлайман.

Улуғбек суҳбатлашди.

Манбаа: lochinlar.uz