Элнур Абдураимов 2-раунддаёқ рақибни рингга қулатди

Ҳамюртимиз Элнур Абдураимов бугун Екатеринбургда ўзининг профессионал боксдаги тўртинчи жангини ўтказди. Бу сафар унга мезбон боксчи - Дмитрий Хасиев (8-1-2, 2КО) рақиблик қилди. Боксчимиз мазкур жангнинг иккинчи раундидаёқ рақибни техник нокаутга учратди.

Маълумот учун, Элнур Абдураимов профи боксдаги фаолиятини 2018 йилда бошлаган ва ҳозирга қадар 3 та жанг ўтказиб, уларнинг барчасида рақибни нокаутга учратган. 

Хасиев эса профессионал боксга 2015 йилда кириб келган.