Энди “Реал”га Мбаппе ҳам, Холанд ҳам керак эмас!

“Реал” клуби ПСЖ тўпурари Килиан Мбаппе ва “Манчестер Сити” форварди Эрлинг Холандни олиш фикридан бутунлай воз кечишга тайёр.

Todofichajes нашрининг таъкидлашича, “Қироллик клуби” жамоа келажагини бразилиялик вундеркинд Эндрик билан боғлаяпти.

Бу ҳужумчи келаси йил ёзда “Палмейрас”дан “Сантьягу Бернабеу”га кўчиб келади. Трансфер масалалари ҳал қилиб бўлинган.

Бундан ташқари, мадридликлар яна бир неча тажрибали ҳужумчиларни нишонда ушлаб турибди. Улар Душан Влахович, Рафаэль Леау ва Хулиан Альваресга ҳам шартнома беришга тайёр.

“Наполи” юлдузи Виктор Осимхен бир неча клублар қатори “Реал” рўйхатига ҳам киритилган.