Эндрик нега "Реал"ни тарк этди? Агент изоҳ берди

Эндрикнинг агенти Тиаго Фрейтас мижозининг "Реал"дан кетиш сабабларини тушунтирди.

Январ ойида бразилиялик ҳужумчи мавсум якунига қадар ижара асосида "Лион"га ўтди.

— Нима учун Эндрик "Реал"ни тарк этди?

— Эндрик "Реал" сафида жуда кам дақиқа ўйнади. Чунки ҳужум чизиғига қарасангиз, дунёнинг энг яхши ўн футболчисидан саккизтаси шу жамоада ўйнайди — ФИФА талқинига кўра энг яхши футболчи Винисиус Жуниор, ажойиб Мбаппе, келажакда дунёнинг энг яхшисига айланиши мумкин бўлган Жуд Беллингем ва Чемпионлар лигасида кўплаб муҳим ўйинларда ҳал қилувчи роль ўйнаган Родриго. Бундай клубга 18 ёшли футболчи келиб, кам ўйин амалиёти олиши мутлақо табиий.

Яна бир жиҳат — Эндрик мавсумни жамоа билан бирга бошламади. У клублар ўртасидаги жаҳон чемпионати учун АҚШга бормади ва жароҳат олди. "Реал" каби жамоада уч-тўрт ой таркибдан чиқиб кетсангиз, шаклни тиклашда қийинчиликка дуч келишингиз табиий.

— Карло Анчелотти унга жаҳон чемпионати олдидан кўпроқ ўйнаш учун бошқа жамоага ўтиш масаласини муҳокама қилдими?

— Ҳа, Эндрик Анчелотти билан гаплашди ва, албатта, бу масалани Хаби Алонсо билан ҳам муҳокама қилди. У ёш, улар эса жуда тажрибали. Улар футболчи сифатида ҳам, мураббий сифатида ҳам ғолиб инсонлар, шунинг учун уларнинг ҳар қандай маслаҳати беқиёс аҳамиятга эга, — деди Фрейтас.