Энг моҳир қиличбозлар Тошкентда жам бўлади

Жорий йилнинг сентябрь ойида пойтахтимизга жаҳоннинг энг моҳир қиличбозлари нуфузли турнирда иштирок этиш учун ташриф буюради.

Халқаро қиличбозлик федерацияси шафелигида 5-6 сентябрь кунлари қиличбозликнинг рапира хамда 7-8 сентябрь кунлари шпага йўналишларида катталар ўртасида "FIЕ Satеllitе" халқаро турнири ўтказилади.

"FIЕ Satеllitе" турнирида ҳозирги кунга келиб спортчиларимиздан ташқари Россия, Австрия, Англия, АҚШ, Италия, Сингапур, Малайзия, Филиппин, Бразилия, Туркия, Грузия, Афғонистон, Озарбайжон, Туркманистон, Қозоғистон ва Қирғизистон давлатларининг терма жамоалари аъзолари иштирок этишларини эълон қилган

Шунингдек, 9-10 сентябрь кунлари Тошкентда Марказий Осиё қиличбозлик конфедерациясининг очик чемпионати ҳам ўтказилади. Унда мазкур спорт турининг барча йўналишларида ғолиблар номин аниқланади.

Ўзбекистон қиличбозлик федерацияси барча қиличбозлик спорти иҳлосмандларини мазкур нуфузли халқаро турнирларга таклиф этади!

Спорт мажмуаси манзили: Тошкент шаҳри Юнусобод тумани Корхожиота кўчаси, 2А-уй.