Энрике: "Барселона"га қарши ўйнаш мен учун оғриқли бўлади"

Чемпионлар лигасининг гуруҳ босқичида ПСЖ сафарда "Барселона"га қарши ўйнаши керак.

Бу ҳақда ўз вақтида "Барселона" шарафини ҳам футболчи, ҳам мураббий сифатида ҳимоя қилган парижликлар бош мураббийи Луис Энрике фикр билдирди.

- Мен учун бу бир вақтнинг ўзида ҳам ижобий, ҳам салбий ҳис-туйғу. Қайтиш - бу ажойиб, чунки у ер менинг уйим. Шу билан бирга, чин юракдан айтсам, менга бошқа ҳар қандай клубдан кўра кўпроқ ёрдам берган клубга қарши ўйнаш оғриқли бўлади. Буни тушунтириш қийин, - деди Энрике матбуот анжуманида.

"Барселона" ва ПСЖ айнан қачон тўқнаш келиши ҳозирча номаълум. Ўйин жадвали шанба куни эълон қилинади.