Энрике бошқарган клублар ҳеч қачон финалларда мағлуб бўлмаган

Луис Энрике бошқарувидаги клублар ҳали ҳеч қачон финалларда мағлуб бўлишмаган.

Испаниялик мутахассис бошқарувидаги ПСЖ Чемпионлар Лигаси финалида "Интер"ни 5:0 ҳисобида енгиб, тарихий ғалабани қўлга киритди.

Шу тариқа, Энрике мураббий сифатида иштирок этган барча 12 та клуб финалида зафар қучган. У аввалроқ ПСЖ билан икки марта Франция Кубоги ва Франция Суперкубогини ютган эди.

"Барселона" билан эса у уч марта Испания Кубогини, бир марта мамлакат Суперкубогини, Чемпионлар Лигаси, Европа Суперкубоги ва Клублар ўртасидаги Жаҳон чемпионлигини қўлга киритган.

Энрикенинг ягона финалдаги мағлубияти 2021 йилда бўлган — у пайтда у Испания терма жамоаси бош мураббийи эди ва Лига Миллатларининг финалида Францияга ютқазганди.