Энрике ПСЖ "Барса" билан Чемпионлар лигасида учрашиши ҳақида гапирди

ПСЖ бош мураббийи Луис Энрике Чемпионлар лигасининг жорий мавсумдаги умумий босқичи доирасида "Барселона" билан бўлиб ўтадиган учрашув ҳақида фикр билдирди.

"Мен учун бу ҳам ижобий, ҳам салбий туйғу. Яна Барселонага қайтиш ёқимли, чунки бу менинг уйим. Бу жамоа билан ўйнаш ажойиб, чунки у яхши, ҳужумкор футбол намойиш этмоқда.

Аммо шу билан бирга, чин юракдан гапирадиган бўлсам, гап менга энг кўп ёрдам берган клуб ҳақида кетмоқда ва улар билан ўйнаш менга унчалик ёқмайди. Бу туйғуни тушунтириш қийин", - дея Энрикенинг сўзларини келтиради Mundo Deportivo.

Луис Энрике 2014-2017 йилларда "Барселона" бош мураббийи лавозимида ишлаган. Бу даврда унинг қўл остида "кўк-анорранглилар" икки марта Испания чемпиони бўлишди, уч марта Испания кубогини қўлга киритишди, шунингдек, Чемпионлар лигасини ҳам қўлга киритишди.