Эрик тен Хаг: Бу футболчиларга суянса бўлади!

“Манчестер Юнайтед” бош мураббийи Эрик тен Хаг жамоага Нидерландия чемпионатидан олиб келинган янги ўйинчиларга ишонч билдириб, хато қилмаганини таъкидлади.

Маълумки, ёзги трансферлар вақтида манчестерликлар таркибига “Аякс”дан Антони ва Лисандро Мартинес, “Фейеноорд”дан Тирелл Маласиа қўшилди.

- Биринчидан, бу йигитлар ўз мамлакатлари терма жамоаларида тўп тепади. Иккинчидан, уларнинг барчаси Еврокубокларда нималарга қодирлигини кўрсатиб қўйган. Учинчидан мен бу ижрочиларни трансфер қилишда улар биз намойиш қиладиган интенсив футболга мослашганликларини инобатга олганман, - деди нидерландиялик мутахассис.

“Манчестер Юнайтед” Антонини 95 миллион, Мартинесни 57,4 миллион ва Маласиани 15 миллион еврога харид қилди.