Эрик тен Хаг: "Ишонинг бу факт"

Эрик тен Хаг "Манчестер Юнайтед" билан совринларни қўлга киритиш истаги борлигини маълум қилди.

"Сўнгги икки йил ичида биз "Ман Сити"дан ташқари инглиз футболида энг кўп совринларни қўлга киритдик. Бу ҳақиқат. Бу фактлар. Бу йил биз ғалаба қозонишни истаймиз. Биз ўзимиз иштирок этадиган турнирлардаги барча кубокларни олмоқчимиз. Ишончим комилки, биз буни қила оламиз.

Мен бу клубни нолдан қуришим керак эди. Ёш футболчиларни таркибга жалб этиш орқали бу ишларинниг дебочасини амалга оширдик. Биз кўп кубокларни қўлга киритдик. Яна нима қила оламан? Билишимча, мухлислар мендан мамнун, лекин мақтовга сазовор бўлдимми ёки йўқми, менга фарқи йўқ.

Биз жуда амбицияга эга клубмиз. Мақсадимиз доимо катта марраларни кўзлаган ҳолда бўлади. Ҳозир шуниси аниқ маълумки, ўз мақсадларимизга эришиш учун жуда кўп меҳнат қилишимиз керак”, - деди "Манчестер Юнайтед" бош мураббийи.