Эрик тен Хаг МЮ футболчиларига ўз талабларини маълум қилди

“The Sun” нашрининг хабар беришича, янги мавсумдан “Манчестер Юнайтед”ни бошқарадиган Эрик тен Хаг футболчиларга ўзининг талабларини маълум қилган.

Мураббий шогирдларига кийиниш хонасида худбинликка тоқат қилмаслигини айтган. Шунинг учун ўйинчиларнинг ҳеч бири ўзини жамоадан ёки мураббийдан устун қўймаслиги керак. У футболчиларга майдонда ва ундан ташқарида маълум қоидаларга риоя қилишлари ҳамда шахсий ҳаётини махфий сақлашлари кераклигини таъкидлади.

Шунингдек, тен Хаг жамоага янги ошпаз олиб келиши ва мутахассис билан бирга шогирдларининг овқатланиши жиддий назоратга олишини маълум қилган.

Қолаверса, ўйинчининг ишлаши бўйича таҳлилчи ҳам жамоага таклиф этилади. Унинг вазифаси ҳар бир ўйинчининг салоҳиятини максимал даражада очиб беришдан иборат бўлади.