Эрик тен Хаг ўрнини ким эгаллаши маълум бўлди

“Манчестер Юнайтед” раҳбарияти жамоани бошқариб келаётган нидерландиялик мутахассис Эрик тен Хаг ўрнига бошқа мутахассисни олиб келадиган бўлди.

Эрик тен Хагга шароит яратиб берилганига қарамай, бу мутахассис жанговар жамоа ташкил қила олмаяпти. “Манчестер Юнайтед”нинг ўйини ҳам, кўрсаткичлари ҳам клуб хўжайинлари ва мухлисларини қониқтираётгани йўқ.

Daily Mail нашрининг ёзишича, манчестерликлар жамоани айни пайтда “Брентфорд”ни бошқараётган Томас Франкни олиб келмоқчи.

“Манчестер Юнайтед”га бу мутахассиснинг профессионал даражаси юқорилиги маъқул келган ва ўзаро келишган ҳолда янги лойиҳани ҳамкорликда амалга оширишга тайёр.

Шунга қарамай, клубнинг айрим раҳбарлари даниялик мутахассис илгари топ-клублар билан ишламагани учун бу вариантни маъқулламаяпти.

Томас Франк “Брентфорд”ни 2018 йилдан бери бошқариб келмоқда.