Erik ten Xag Ronaldu bo‘yicha kutilmagan qarorini aytdi

“Manchester Yunayted”ning yangi bosh murabbiyi Erik ten Xag jamoa to‘purari Krishtianu Ronalduni olib qoladigan bo‘ldi.

- Ronaldu – gigant futbolchi va buni hammaga isbotlab qo‘ygan. Karishtianu hamon yuqori maqsadlar sari kurashmoqda. Men uni yangi jamoam safida saqlab qolishni istayman.  Yakunlanayotgan mavsumda Ronaldu manchesterliklar uchun muhim ahamiyat kasb etdi. U hali ham ajoyib statistika qayd etishga qodir, - dedi Erik ten Xag.

Ronaldu o‘tgan yili avgustda “Manchester Yunayted”ga qaytganidan beri barcha turnirlarda 39 marotaba maydonga tushib, raqiblar darvozasini 24 marotaba ishg‘ol qildi va jamoadoshlariga uchta golli pas uzatdi.