Эрик тен Хаг Роналду ҳақидаги миш-мишларга нуқта қўйди

"Манчестер Юнайтед" бош мураббийи Эрик тен Хаг Криштиану Роналдунинг Чемпионлар лигасида иштирок этадиган клубга ўтиш истагига қарамай, уни жамоада сақлаб қолишга қарор қилди. Бу ҳақида мутахассис шундай дейди:

“Яна такрорлайман: Роналду бизнинг режаларимизга киритилган. Айтишим мумкин бўлган нарса шу. Нега “Брентфорд”га ютқазганимиздан сўнг у ОАВ диққат марказида бўлганини тушунмаяпман. Роналду жамоанинг бир қисми эканлиги рост, лекин бу мағлубиятда унинг айби йўқ”, - дейди Тен Хаг матбуот анжуманида.

Аввалроқ, “Манчестер Юнайтед” Роналду билан шартномани бекор қилиши мумкинлиги ҳақида хабарлар тарқалган эди. Криштианунинг "қизил иблислар" билан амалдаги келишуви бир йилдан сўнг якунига етади.