Эрик тен Хаг ёзда икки ўйинчини олиб, хато қилганини тушуниб етди

“Манчестер Юнайтед” бош мураббийи Эрик тен Хаг ёзда ўйинчи олишда хатога йўл қўйган бўлиб чиқди.

The Guardian” нашрининг маълум қилишича, 24 ёшли Мэйсон Маунт ва 27 ёшли Суфён Амрабат трансфери ўзини оқлагани йўқ. Ҳар икки футболчининг ўйини мураббийлар штабига тўғри келмади.

Манчестерликлар қишки трансферлар вақтида яна тўртта позицияга ўйинчи олмоқчи. Бунинг учун ҳозир таркибда бўлганларнинг айримларидан воз кечишга тайёр.

Эрик тен Хаг елуб раҳбариятига ёзда “Челси”дан 55 миллион фунтга харид қилинган Мэйсон Маунтни сотиб юборишларига қаршилик қилмаслигини билдирган.

Бундан ташқари, нидерландиялик мураббий “Фиорентина”дан ижарага олинган Суфён Амрабатни ҳам Италияга қайтариб юборадиган бўлди.

Эрик тен Хаг таркибни кучайтириш мақсадида “Манчестер Юнайтед”га “Лейпциг” ҳужумчиси Тимо Вернер, “Ницца” ҳимоячиси Жан-Клер Тодибони олиб келмоқчи.

Манчестерликлар рўйхатида “Бенфика” ҳимоячиси Антонио Силва, “Монако” ярим ҳимоячиси Юсуф Фофана номзодлари ҳам бор.