Эски савол – Месси зўрми ёки Роналду? Куманнинг жавоби кутилмаган бўлди

Чемпионлар лигасининг навбатдаги турида “Барселона” ва “Ювентус” ўзаро тўқнаш келади. Бу ўйинда футбол жамоатчилиги Лионель Месси ва Криштиану Роналдунинг янги дуэлини кўришни иштиёқ билан кутяпти.

8 декабрь куни бўладиган учрашув олдидан Рональд Куман бу икки футболчининг рақобати ҳақида ўз фикрларини билдирди.

- Бу икки ўйинчининг узоқ йиллар давомида юқор савияда ўйнаётганининг ўзи ажойиб ҳолат. Лео ва Криштиану охирги 10-15 йилнинг энг зўр футболчилари. Шу давр мобайнида улар ҳайратланарли ютуқларни қўлга киритди.

Месси ва Роналду турли ўйинчилар, лекин уларнинг голлар, хет-триклар, совринлар статистикаси ажойиб. Улардан қайси бири кучли эканини гапиришнинг ўзи катта хато. Улар футбол мухлисларига қанчадан қанча зўр учрашувлар, чиройли голлар тақдим этган. Эртанги баҳсда уларнинг ўйинидан баҳра оламиз, - деди Куман.