"Эспаньол" ўз тарихидаги энг қиммат трансферни амалга оширди

"Эспаньол" клуби "Велес Сарфилд" жамоаси ярим ҳимоячиси Матиас Варгас билан шартнома имзолади. Бу ҳақда клуб расмий сайти хабар тарқатмоқда.

Маълумотларга қараганда каталонияликлар 22 ёшли футболчи учун Аргентина клубига 10,5 миллион евро тўлашган. Эътиборлиси, бу "Эспаньол" тарихидаги энг қиммат трансфер бўлди. Таъкидлаш керакки, Варгас янги жамоаси билан 2024 йилгача шартнома имзолади.