Это'О тарихдаги энг яхши жаҳон чемпионати қайси эканини айтди

Камерунлик футбол юлдузи Самуэль Это'О 2018 йил Россияда бўлиб ўтган жаҳон чемпионати тарихдаги энг яхшиси эканини айтди.

"Барселона", "Интер" ва "Челси" клубларининг собиқ ҳужумчиси 2022 йил Қатарда бўладиган мундиаль элчиси ҳисобланади.

“Россиядаги жаҳон чемпионати шу пайтгача тарихдаги энг зўр ҳисобланади. Аммо, Қатардаги мусобақа бундан ҳам яхшироқ ўтишни хоҳлаймиз. Бизнинг вазифамиз - уни ортда қолдириш. Агар сизга эртага сайёрамиз чемпионатини бошлаш керак бўлса, меҳмонларни қабул қилишга ва уларга максимал даражада қулайлик таклиф қилишга тайёрмиз. Бизда ҳеч қандай муаммо йўқ. 15 дан ортиқ стадион аллақачон қурилган, аммо биз кўпроқ очмоқчимиз. Буни ҳали ҳеч ким қилмаган. Тайёргарлик борасида хавотирга ўрин йўқ, қатъий белгиланган тартибда ишлаймиз. Барчангизни кутмоқдамиз, умид қиламанки, сиз Қатарга келасиз ва биргаликда, катта оила бўлиб, бу ерда вақт ўтказасиз. Сизга нафақат ушбу мамлакатдаги стадионлар, балки шаҳарлар ҳам ёқишига ишонамиз”, - деди Это'О.

“ЖЧ-2022” ўйинлари 2022 йилнинг 21 ноябридан 18 декабрига қадар Қатарнинг 5 та шаҳрида жойлашган 8 та стадионда бўлиб ўтади.

Матнда хатолик топсангиз, ўша хатони белгилаб, бизга жўнатинг (Ctrl + Enter)