"Эвертон" Лэмпард ўрнига МЮ афсонасини бош мураббий этиб тайинлаши мумкин

"Эвертон" бош мураббийи Френк Лэмпард тез орада истеъфога чиқарилиши кутилмоқда.

"The Sun" нашри хабарига қараганда, мерсисайдликлар рўйхатида 4 нафар номзод бор. Улар Уэйн Руни ("Ди Си Юнайтед"), Ангелос Постекоглу ("Селтик"), Шон Дайч ҳамда Роберто Мартинес (ҳар иккиси ишсиз).

Сўнгги пайтлардаги муваффақиятсизликлар туфайли Френкнинг "курсиси қимирлаб қолган". Жамоа унинг бошқарувида АПЛда 22 октябрь санасидан бери ғалаба нималигини билмаяпти.

"Ирисчилар" айни пайтда Премьер лига турнир жадвалида 15 очко билан 18-поғонада бормоқда.