"Эвертон"ни "ботқоқ"дан ким олиб чиқади?

"Эвертон" Сэм Эллардайсни бош мураббийликка қайтариш ҳақида ўйламоқда. Бу ҳақда журналист Сами Мокбел ижтимоий тармоқларда хабар берди.

Эслатиб ўтамиз, англиялик мутахассис 2017 йилдан 2018 йилгача “Эвертон”ни бошқарган. Айни дамда “ирисчилар” раҳбарияти жамоани Чемпионшипга тушиб кетишдан қутқариб қоладиган мураббийга муҳтож. Эллардайс эса шунга ўхшаш муаммоларни ҳал қилишда яхши тажрибага эга.

Тўғри, Сэм охирги марта "Вест Бромвич" бошқарувида шунга ўхшаш вазифани уддалай олмаган, ўшанда жамоа элитага қайтганидан бир йил ўтиб, 2020/21 йилги мавсумда чемпионшипга тушиб кетганди.

Эслатиб ўтамиз, Эллардайс ҳатто Англия терма жамоасини ҳам бошқарган, аммо можаро туфайли ушбу лавозимни жуда тез тарк этган.

Маълумот учун, "Эвертон" айни дамда АПЛ турнир жадвалида 19-ўринни эгаллаб турибди. Жамоанинг сўнгги ўриндаги “Саутгемптон” билан очколари тенг.