Европа лигаси финали қаерда ўтказилиши мумкин?

УЕФА Европа лигасининг финал учрашуви Германияда  ўтказилиши мумкин. Бу ҳақда Calciomarcato нашри хабар тарқатмоқда.

Ҳал қилувчи ўйинга мамлакатнинг 4 та шаҳридан бири (Кёльн, Дюссельдорф, Дуйсбург ёки Гельзенкирхен) мезбонлик қилиши мумкин. Европа лигаси пандемия сабаб 1/8 финал босқичда тўхтатилган эди.

Бундан аввалроқ, УЕФА Чемпионлар лигаси финали Лиссабонда ўтказилиши маълум бўлган эди.