Европадаги легионерларимиз: Аламли мағлубият, битта гол ва тузалмаган жароҳат!

Ўзбекистонлик футболчилар УЕФА таркибига кирувчи Италия, Россия, Қозоғистон, Молдова ва Беларусь чемпионатларида тўп тепмоқда.

Sports.uz якунланган ҳафтада ушбу мамлакатлар миллий чемпионати юқори лигасида ўйнаётган легионерларимиз ва уларнинг жамоалари қайд этган натижалар билан таништириб боришга бел боғлади. Ушбу лойиҳамиз сиз азиз мухлисларга манзур келади деган умиддамиз.

Элдор Шомуродов

“Рома” А Серия 8-турининг марказий учрашувида “Ювентус” меҳмони бўлиб, аламли мағлубиятга учради. Ҳа, зўр ўйнаб туриб, мағлуб бўлиш икки ҳисса аламли. Агар пенальтидан гол уриб, мағлубиятдан қутилиб қолиш имкони бой берилганини инобатга олсак, аламзадалик янада ортади.

Моуриньо бу гал ҳам Элдор Шомуродовдан кўра, жароҳатдан энди қутилган, умумий гуруҳ машғулотларида қатнашмаган Тэмми Абрахамни устун қўйди. 81-дақиқада ўйинга қўшилган Элдор Шомуродов эса, ҳарчанд уринмасин ўзини кўрсатиши учун вақт етишмади. Аксинча, ҳамюртимиз 85-дақиқада сариқ карточка олгани билан эсда қолди.

Мағлубиятга қарамай, “Рома” тўртинчи ўринда қолди. Фақат ундан юқорида турган уч жамоадан иккитаси очколар орасидаги фарқни катталаштирди.

yuventus-obygral-romu-shomurodov-vyshel-v-koncovke-i-poluchil-zhyoltuyu-kartochku_16345041691382078866

Жасур Яхшибоев

“Шериф” миллий чемпионатда “Сфинтул Георге” жамоасини 4:0 ҳисобида мағлуб этди. “Реал”га гол урган учрашувда шикастланган Жасур Яхшибоев жароҳати туфайли ўйинда қатнашмади. Тирасполь клуби раҳбарияти ўзбек ҳужумчисининг Чемпионлар лигаси доирасида  “Интер”га қарши ўтказиладиган сафардаги баҳсгача сафга қайтишига умид қилганди.

Охирги маълумотларга қараганда, Жасур Яхшибоев машҳур “Сан-Сиро”да майдонга тушолмайди. У жароҳатидан қутилгани йўқ.

“Шериф” айни пайтда 10 та учрашувда 25 очко жамғариб, учинчи ўринда бормоқда. Тирасполликлар ўзларидан юқорида турган жамоалардан учта кам ўйин ўтказган. Эътиборлиси, “Шериф” футболчилари дастлабки икки поғонани эгаллаб турган “Петрокуб” ва “Милсами”ни ўзаро учрашувларда мағлуб этган.  

yaxshiboyev-sherif

Игорь Сергеев

Игорь Сергеев “кўҳна қитъа” ҳудудида тўп сураётган футболчиларимиз орасида гол урган ягона легионер бўлди. Қозоғистон премьер-лигасида чемпионлик учун курашаётган “Тобол” бу гал сафардаги баҳсда “Қизил-Жар СК” устидан 2:0 ҳисобида зафар қучди. Биринчи голни айнан Игорь Сергеев урди.

Ҳамюртимиз премьер-лигадаги голлари сонини тўққизтага етказди. “Тобол” ҳозирча иккинчи ўринда бормоқда ва пешқадам “Астана”дан бир очко ортда қоляпти.

photo_164115

Остон Ўрунов

Ниҳоят, узоқ давом этган танаффусдан сўнг Остон Ўрунов яна майдонга қайтди. “Краснодар”га қарши ўтказилган баҳсда “Уфа” тўпурари Ҳамид Агаларов ҳисобни очганидан кейин биринчи бўлим ўрталарида жароҳат олди. Унинг ўрнига 29-дақиқада Остон майдонга тушди.

Футболни соғинган Ўрунов анча фаол ўйнади. Ўйинда мезбонлар мағлубиятдан қутилиб қолди. “Уфа” рақиб майдонидан бир очко билан қайтганига қарамай, мусобақа жадвалида охирги поғонага тушиб қолди.

1596523731_large-1

Иброҳимхалил Йўлдошев

Россия премьер-лигаси дебютанти “Нижний Новгород” сафига қўшилиши билан асосий таркиб ўйинчига айланган Иброҳимхалил Йўлдошев “Крилья Советов” жамоасига қарши беллашувда бир дақиқа кам бир соат ўйнади.

Легионеримиз бу учрашувда ҳам анча фаол ҳаракат қилди. Бироқ, шу куни мезбонларни тўхтатиб бўлмади ва рақиб 2:0 ҳисобида зафар қучди.

pobeda-Nizhnego-v-Kazani-1200x802

Шаҳбоз Умаров

“Славия” майдонига сафар уюштирган БАТЭ чемпионлик учун курашдан чиқди. 26-тур баҳсида Умаров жамоаси 1:3 ҳисобида мағлуб бўлди. Борисовликлар етакчиларидан бўлган легионеримиз 87-дақиқа ўйнади. Шаҳбоз захирага олинишидан уч дақиқа олдин ҳакам томонидан огоҳлантириш олди.

Бу мағлубиятдан сўнг БАТЭда чемпионлик учун курашиш имконияти деярли қолмади. Жамоа чемпионат якунланишига тўрт тур қолганида биринчи ўриндаги “Шахтёр”дан етти очкога орта қолмоқда. Лекин Солигорск жамоаси захирасида яна иккита учрашув бор. Чемпион жамоа бу галги кетма-кет иккинчи марта чемпион бўлиш имконини БАТЭга топшириб қўймаса керак.

01F05495-942C-41FC-A6BB-06638854D63A-820x420

Бобур Абдухолиқов

Икки мураббий ва етти нафар футболчиси коронавирусга чалинган “Энергетик-БГУ” жамоаси “Динамо-Брест”га қарши ҳисоб очилмаган ўйинда бир очкони қўлга киритишни уддалади. Минсклик “талабалар” сафидаги уч нафар футболчимиздан иккитаси коронавирус юқтиргани айтилганди.

Бобур Абдухолиқов касалликдан тузалиб, захирадан майдонга тушди ва иккинчи бўлимни тўлиқ ўтказди.

Коронавирус юқтирган Шаҳзод Убайдуллаев ва жароҳати борлиги айтилган Дониёр Абдуманнопов учрашувда қатнашмади.

sddefault

“Реал”га гол урган Яхшибоев “Интер”га қарши ўйнайдими?

Моуриньо “Ювентус”га қарши ўйин олдидан Шомуродов ҳақида нималар деди?

 “Рома”: Моуриньо ва Аллегрининг 9-дуэлида Шомуродов асосий қурол бўлади

Моуриньо: Конор МакГрегорга йўқ деёлмадим!

“Ньюкасл”га Моуриньо керак! Жозе "Рома"ни ташлаб кетадими?

Ақлинг бўлса, “Рома”га ўт!

Матнда хатолик топсангиз, ўша хатони белгилаб, бизга жўнатинг (Ctrl + Enter)

Комментарии

Для написания комментариев пройдите авторизацию
solijon bobokulov
18/10/2021 21:23
Evropamas
Yevropa bo'ladi.
E bilan Ye ni xatolari ko'payib ketdi.
&
Бухорий Шариф
18/10/2021 21:22
ОМАД ТИЛАЙМИЗ БАРЧАЛАРИГА.