Фабрицио Романо: Брозович "Ан-Наср" футболчиси

Марсело Брозович "Ан-Наср” таклифига рози бўлди, дея хабар бермоқда Фабрицио Романо. Оғзаки келишувга эришилди. Ярим ҳимоячи тез орада тиббий кўрикдан ўтиш учун Саудия Арабистонига йўл олади.

Мазкур трансфер "Интер"га 23 миллион эвро фойда келтирди. Брозович эса уч йил ичида 100 миллион евро ишлаб олади, яъни битим 2026 йилнинг июнигача амал қилади.

Аввалроқ, Брозович риёдликларнинг таклифини рад қилганди. Унга "Барса" ҳам қизиқиш билдирди. футболчининг ўзи Каталония клубига ўтишга тайёр эди. Аммо Испания грандининг 23 миллион евро тўлай олмаслиги маълум бўлди.