ФАКТ! "Қўқон-1912" Муборакда "Машъал"ни фақатгина бир марта мағлуб этган холос

Ўзбекистон кубоги чорак финал доирасидан ўрин олган “Машъал” – “Қўқон-1912” учрашуви Муборак шаҳрида бўлиб ўтади. Қўқонликлар матбуот хизмати мазкур баҳс олдидан жамоаларнинг ўзаро ўйинлардаги статистик маълумотларини тақдим этди.

Ўзаро ўйинлар
Жамоалар шу пайтга қадар чемпионат доирасида 14 марта тўқнаш келган. “Машъал” ўйинларнинг 7 тасида зафар қучган, 4 та баҳсда қўқонликларнинг қўли баланд келган. 3 та учрашувда дуранг қайд этилган. Тўплар фарқи: 23-15, “Машъал” фойдасига. Ўзаро ўйинларда муборакликлар 24 очкони қўлга киритган. “Қўқон-1912” очкоси 15 тани ташкил этади.

Муборакда ўтган барча учрашувлар:
22.10.2020 «Машъал» – «Қўқон-1912» 1:2
14.04.2017 «Машъал» – «Қўқон-1912» 1:1
26.06.2016 «Машъал» – «Қўқон-1912» 2:0
25.04.2015 «Машъал» – «Қўқон-1912» 3:0
20.09.2003 «Машъал» – «Қўқон-1912» 3:2
02.11.2002 «Машъал» – «Қўқон-1912» 2:0
15.04.1995 «Машъал» – «Қўқон-1912» 2:0

Қизиқ статистика
Ўзбекистон кубоги баҳслари тарихига назар солсангиз, қизиқ бир статистика гувоҳига айланасиз. Кубок беллашувларида финалга қадар борган жамоалар сони унчалик кўп эмас. Улар орасида “Қўқон-1912” ва “Машъал” жамоаларининг ҳам борлигини эътироф этиш жоиз. Водий вакили 1992 йилда биринчи кубок мусобақасида финалга қадар етиб борган ва ҳал қилувчи ўйинда “Навбаҳор”га пенальтилар сериясида мағлуб бўлган. Муборакликлар эса 2006 йилда финалда “Пахтакор”га ютқазиб қўйган.