Фақат шу жамоага ўт! Гвардиола Холандга янги жамоа топиб берди

“Манчестер Сити” тўпурари Эрлинг Холанд клубдан кетиши мумкин. Норвегиялик ҳужумчи Испания чемпионатида тўп тепиш фикридан қайтгани йўқ.

24 ёшли футболчига испан грандларидан “Реал” ҳам, “Барселона” ҳам даъвогарлик қилмоқда.

“Шаҳарликлар” бош мураббийи Хосеп Гвардиола ва жамоа етакчиси Илкай Гюндоған Холандга агар Ла Лига бормоқчи бўлса, қайси жамоани танлаш бўйича тавсия берди.

El Chiringuito нашри журналисти  Жота Жордининг ёзишича, улар Холанддан “Барселона”ни танлашни сўрамоқда. Улар буни Эрлинг Холанд Каталония клубида асосий юлдуз бўлиши билан изоҳлади. “Реал”га ўтадиган бўлса, Эрлингга асосий юлдуз мақоми берилмайди, Мадрид клуби юлдузлар билан тўлиб тошган.

Холанднинг амалдаги шартномаси 2027 йилгача давом этади. Бироқ унинг битимида ҳужумчини 2025 йилнинг ёзида трансфер қилиш мумкинлиги ҳақида банд бор.