Фарҳод Бекмуродов: Наманганда бир очкони қўлга киритганимиздан хурсандмиз

“Навбаҳор” ҳамда “Андижон” жамоалари ўртасидаги учрашувдан кейин меҳмонларнинг етакчиларидан бири Фарҳод Бекмуродов sports.uz сайти учун ўйин ҳақидаги фикрлари билан ўртоқлашди:

- “Навбаҳор”га қарши яхши ўйин бўлди. Айниқса, мухлисларга ёқди, деб ўйлайман. Водий дербисида қўлимиздан келганича ўз ишқибозларимизни хурсанд қилишга ҳаракат қилдик. Тўғри, ғалаба қозона олмаган бўлсак-да, қайд этилган дуранг натижадан мухлисларимиз мамнун бўлишди, назаримда.

Биласиз, ҳозирда турнир жадвалида охирги ўриндамиз. Шу боис ҳар бир беллашувдаги очколар биз учун сув ва ҳаводек зарур. Наманганда бир очкони қўлга киритганимиздан хурсандмиз, - деди Бекмуродов.