“Файзи”ни курашда ютиб қўйсам бўлмасдида...
Ads

Айни вақтда америкалик профессионал боксчи Теренс Кроуфорд Тошкентда бўлиб тургани ҳақида маълумотга эгасиз.  Биринчи яримўрта вазн тоифасида собиқ мутлоқ жаҳон чемпиони (2017 йил). Айни пайтда яримўрта вазн тоифасида WBO камари соҳиби пойтахтимиздаги ЭкоПаркда ўзига хос шоуда иштирок этди. Ушбу фурсатдан фойдаланиб, биз мазкур жаҳон профессионал бокс юлдузи билан қисқача сухбатда бўлдик.

- Теренс Ўзбекистонга хуш келибсиз?

- Рахмат.

- Бу ерда ўзингизни қандай хис қилмоқдасиз. Ўзбек халқи борасидаги тасаввурингиз янада бойиган бўлса керак?

- Тўғриси жуда қулай. Ўйлаганимданда ажойиб. Албатта, халқингизни мехмондўстлигини билар эдим. Бунга янада амин бўлдим.

- Ўзбекистонга ташрифингиз тарихи қандай бўлди?

- Мана ёнимда турган инсон(Сардор Вохидовни назарда тутмоқда) туфайли шу ердаман. Сардор билан қалин дўстмиз. Ҳамюртингиз ажойиб инсон. У билан АҚШда дўст тутинганмиз. Сардор Ўзбекистонга таклиф қилди. Мен жон деб рози бўлдим.

- Ўзбек миллий таомлари мақул келмоқдами?

- Албатта. Айниқса, меваларингиз жуда ширин. Таомларингизга тўхталсам, палов ва товуқ гўштидан тайёрланганлари жуда мазали экан.

- Умуман Ўзбекистонни бокс мамлакати эканлигидан хабарингиз бормиди?

- Албатта. Айниқса, ҳаваскор бокс борасида етакчилардан эканлигини билардим.

- Аслида профессионал боксимиз ҳам ривожланган. Балки профида фаолият юритадиган ҳамюртларимизни ҳам биларсиз?

- Албатта “Файзи”ни таниман. У билан бирга спарринг машғулотларда иштирок этганман. Муносабатларимиз жуда яхши.

- Нахотки Фазлиддин Ғойибназаровдан бошқасини танимасангиз. Бизда ўз вақтида WBO чемпиони “Оқ Тайсон” номи билан машҳур Руслан Чагаев, 17 карра жаҳон чемпиони Артур Григорянлар бўлган. Қолаверса, ҳозирги кунда сизнинг вазн тоифангизда IBF рейтингида биринчи ўринда қайд этилаётган, эхтимолий рақибингиз бўлмиш Қудратулло Абдуқаххоровлар бор?

- Тўғриси, бу борада маълумотга эга эмасман.

-  Кеча, интернет ижтимоий тармоқларида Фазлиддин Ғойибназаров билан кураш тушганингиз тарқалди. Лекин охирига қадар эмас. Якун нима бўлди?  ????

- Тўғриси, мен уни мехмониман. Йиқитиб қўйсам бўлмасди. ????

- Сизнинг камарларни бирлаштириш учун жанг қиладиган рақибларингиз Шон Портер ҳамда Эролл Спенслар ўзаро жанг олиб боришади. Нима деб ўйлайсиз кимнинг қўли баланд келади?

- Эролл Спенс ғалаба қозонади деб ўйлайман.

Афсуски, шу ерда у билан хайрлашишга тўғри келди. Чунки, уни янада мухим ишлар учун чақириб қолишди. Шундай бўлсада, мазкур сухбатни амалга оширишда яқиндан ёрдам берган, Теренс Кроуфордни юртимизга олиб келган инсон Сардор Вохидовга ўз миннатдорчилигимизни билдириб қоламиз!

- Теренс сухбат чала бўлиб қолди.  Лекин бир кун сиздан албатта батафсил интервью оламан. Ҳозирча шунисига ҳам рахмат!

- Мен қарши эмасман.

Аҳмадбек ЭШМАТОВ СУХБАТЛАШДИ