Францияда ўзбек футболчиларини кузатишяпти

8 сентябрь, 2023, 20:52
Zohir Toshxo’jayev
1
Футбол

ФИФА кунлари муносабати Европа клубларида ўйнаётган футболчилар ўз мамлакатлари терма жамоаларига жалб қилинган.

Кучли бешлик чемпионатларидаги иккинчи вакилимиз – “Ланс” марказий ҳимоячиси Абдуқодир Ҳусанов 23 ёшгача бўлган футболчилардан таркиб топган Ўзбекистон терма жамоасига таклиф қилинди.

Бу жамоа 23 ёшгача футболчилар иштирокидаги Осиё кубогининг саралаш босқичида қатнашмоқда. Футболчиларимиз Е гуруҳидаги биринчи тур учрашувини Тошкентда Афғонистон вакилларига қарши ўтказиб, беллашувни 8:1 ҳисобида ўз фойдасига ҳал қилди.

20230906192546_PFL_5949

Европалик мутахассислар Абдуқодир Ҳусанов туфайли терма жамоамиз ўйинларини кузатиб бормоқда.

Хусусан, “Ланс” клуби фаолиятини ёритишга ихтисослашган https://www.lensois.com сайти Тошкент шаҳри мезбонлик қилаётган ўйинлари кузатиб бормоқда.

Абдуқодир Ҳусанов 23 ёшгача бўлган футболчилар иштирокидаги Осиё чемпионатининг саралаш учрашувида Ўзбекистон жамоасининг Афғонистон устидан 8:1 ҳисобидаги ғалабасига бевосита гувоҳ бўлди. “Ланс” вакили бошланғич таркибда йўқ эди. Энди уни олдинда шанба куни Гонконг ва кейинги сешанба Эронга қарши баҳслар кутиб турибди, - деб ёзади https://www.lensois.com сайти.

Дарҳақиқат, мураббийлар штаби Францияда ўйин амалиётисиз қолаётган 19 ёшли ҳимоячини бошланғич таркибга киритмади. Бироқ, Ҳусанов иккинчи бўлимда майдонга тушиб, ярим соатдан кўпроқ вақт мобайнида ҳаракат қилди.

Франция чемпионатида ҳозирча ишлари юришмаётган “Ланс” турли мамлакатлар терма жамоаларига 11 нафар футболчисини сафарбар қилган.

Шулар қаторида Абдуқодир Ҳусанов АҚШда йиғин ўтказаётган Ўзбекистон миллий терма жамоасига эмас, балки 23 ёшгача бўлган футболчилар жамланган Олимпия терма жамоасига жалб қилинди.

Бу жамоа олдига Осиё кубогиги чиқиш вазифаси қўйилган. Финал турнир 2024 йилнинг 15 апрелидан 3 майигача Қатарда ташкил этилади.

23 ёшгача футболчилар ўртасидаги Осиё кубоги 2024 йилги ёзги Олимпия ўйинларига саралаш мусобақаси вазифасини ҳам ўтайди. Қитъа миқёсидаги мусобақада кучли учликдан жой олган терма жамоалар олимпия лицензиясини қўлга киритади.

Тўртинчи ўринни эгаллаган жамоа эса, тўрт йилликнинг энг нфузли спорт анжуманига йўлланма олиш учун минтақавий плей-оффда қатнашади.

Аҳамиятли томони шундаки, навбатдаги ёзги Олимпия ўйинлари Абдуқодир Ҳусанов ўйнаётган Францияда ташкил этилади.

20230906210919_PFL_6714

Эслатиб ўтамиз, Ўзбекистон футболчилари шу пайтга қадар ёзги Олимпия ўйинларига йўлланма ола билмаган. Мухлислар бу гал ёш ўйинчилардан Париж йўлланмасини кутмоқда.