Файзуллаев учун қийинчиликлар энди бошланади!

Легионерларимиз орасида фаолияти энг ёрқин чиқаётгани Аббосбек Файзуллаев экани шубҳасиз. Бир неча позицияда ўйнай оладиган футболчимиз август ойида “Пахтакор”дан ЦСКАга кечиб ўтганидан кейин, қисқа фурсат ичида “армиячилар”нинг ҳужумларини ташкил қилаётган муҳим фигурага айланди.

Аббос мунтазам асосий таркибда майдонга тушмоқда ва жамоасига ҳужум уюштиришда ҳам, ҳимояланишда ҳам ёрдам беряпти.

Айнан Файзуллаевнинг суперпас туфайли ЦСКА футболчилари мағлубият нималигини билмай келаётган пешқадам “Краснодар”ни тўхтатиб қолди.

Россиялик мутахассислар ўзбек легионерининг имкониятларини таҳлил қиляпти. “Рубин” жамоасининг собиқ бош мураббийи Ринат Билялетдинов “Спорт Экспресс” нашри вакилларига берган интервьюсида ҳамюртимиз ҳақида ҳам илиқ фикрларини билдирди.

— Сизнингча, “Краснодар”га қарши ўтказилган учрашувда ЦСКАнинг энг яхши ўйинчиси ким бўлди?

— Игорь Акинфеевни кўрсатиш мумкин, у бир неча бор жамоасини голдан қутқарди. Кордобани ёпиб ташлаган ва унга умуман ўйин бермади Мойзесни ҳам айтиш мумкин.  Бунақа ғалабадан кейин бутун жамоани мақтаса арзийди. Фёдор Чалов қандай зўр гол урди. Аббосбек Файзуллаевдан тўпи қабул қилиб олиб, Алонсони ожиз қолдирди ва рақиб дарвозабони Сафонов тўпга етолмайдиган тарзда зарба йўллади. Ана маҳорат.

— Ёш ўзбек футболчиси кўн ўнгимизда порлаяпти...

— Ҳа, жуда истеъдодли йигит экан. Креатив, чаққон, чидамли. Жисмонан бақувват эмас, лекин роса ҳаракатчан.

Шунингдек, бу футболчи тўпни қабул қилиб олиш учун жой танлашни ва ўз вақтида жамоадошларига тўп узатишни жуда яхши ўзлаштирган.

“Краснодар” билан ўйиндаги ягона голли комбинация ҳам худди шундай вазиятдан кейин юзага келди. Тўғриси, энди Файзуллаев учун асосий қийинчиликлар бошланади.

— Қанақасига?

— Ҳали янги ўйинчи бўлганингда ҳаммасини тез уддалайсан. Лекин Файзуллаев шуни тушуниши керакки, энди рақиблар унга қарши алоҳида эътибор билан ўйнайди ва уни ёпишга ҳаракат қилади.

Агар Файзуллаев ҳозирги даражасини ушлаб қола олса, келажакда буюк футболчи бўлиб етишади.

Эслатиб ўтамиз, Аббосбек Файзуллаев Россия Премьер-лигасида саккизта учрашувда майдонга тушиб, битта гол ва иккита ассист муаллифи бўлди.

Шомуродов қани?

Ана холос: Файзуллаев тез орада ЦСКАдан кетиши мумкин...

Файзуллаев ЦСКА енгилмас рақибни қандай ютганини сирини айтди

"Барса"да ўйнаган футболчи Файзуллаевга баҳо берди

Шомуродовнинг ишлари яхши томонга ўзгарди

Раньери муҳим ўйин олдидан Шомуродовнинг аҳволи ҳақида маълумот берди