Шомуродовнинг ишлари яхши томонга ўзгарди
Италия чемпионатининг ўнинчи турида “Кальяри” ўз майдонида “Фрозиноне” футболчилари қабул қилади. Сардинияликлар ҳозирча учта дурангдан бошқа ижобий натижа қайд этмаган ва мухлислар биринчи ғалабани айнан “Фрозиноне” билан ўйинда юз беришини кутмоқда.
“Фрозиноне” ҳам худди “Кальяри” каби А Серия дебютанти. Бироқ бу жамоа тўққизта учрашувдан олтитасида очко ишлаб олди. Улар ҳисобида учтадан ғалаба ва дуранг бор. Бу жамоа мавсум стартининг кашфиёти сифатида эътироф этилмоқда.
“Кальяри” бош мураббийи Клаудио Раньери бўлажак учрашувдан олдин жанговар таркибни танлашга қийналаётганини билдирди. Футболни ёритиб бораётган манбалардаги таҳлилчи экспертлар ҳам майдонга қайси футболчиларни тушириш ғалабага хизмат қилишини таҳлили қилмоқда.
“Кальяри” бош мураббийи Клаудио Раньери “Фрозиноне” билан бўладиган ўйин олдидан таркиб танлаши керак. Айни пайтда тажрибали мутахассис фақатгина тўрт футболчининг жойини кафолатлаган.
Бўлажак баҳсда жамоа дарвозасини Симон Скаффет қўриқлаши, ҳимояни энг ишончли ўйинчи Альберто Доссена таъминлаши, майдон марказини Маттео Прати бошқариши ва ҳужумда Зито Лувумбо жавлон уриши аниқ.
LA NUOVA SARDEGNA:
“Кальяри” бош мураббийи Клаудио Раньери “Фрозиноне”ни енгмоқчи, лекин бу жамоа мавсум кашфиёти эканини италиялик мутахассиснинг шахсан ўзи тан олди. Шунингдек, Раньери бошланғич таркибга кимларни жалб қилиш уни ўйлантираётганини айтяпти.
“Салернитана”даги ўйин аччиқ тажриба бўлди. Энди жамоага қатъият ва аниқлик керак. Салернодаги баҳсда Элдор Шомуродов ҳамда Якуб Янкто каби футболчилар ўйинида яхши томонга сезиларли ўзгаришлар кузатилди.
Зито Лумувбо рқиб дарвозасига ҳужум уюштиришдан ташқари ҳужумдаги шериклари билан ҳамкорликда ўйнашни ўрганиши ҳам талаб этилади.
L'UNIONE SARDA:
“Кальяри” ҳужум чизиғида Зито Лувумбога идеал шерик топиши талаб қилинади. Бу Элдор Шомуродов, Леонардо Паволетти, Андреа Петанья ёки ҳали бирор марта майдонга тушмаган Гастон Перейро ва Жанлука Лападула ҳам бўлиши мумкин.
Форвардларнинг кўплиги Клаудио Раньерига кўпроқ стратегияларни қўллаш учун имконият яратади. Лувумбо асосий таркибдаги жойи кафолатланган ягона ҳужумчи.
“Фрозиноне” билан бўладиган баҳсда Клаудио Раньери жисмоний ҳолатини тиклаб олган Элдор Шомуродов ёки Андреа Петаньяга суяниши мумкин. Ўзбек футболчиси яхши ритмга тушиб олганини ва жамоадаги ўрнини топишга тайёрлигини кўрсатди. Агар бўлажак ўйинда Элдор илк дақиқалардан ўйнамаган тақдирда ҳам, албатта, захирадан майдонга тушириладиган биринчи футболчи бўлади.
Эслатиб ўтамиз, “Кальяри” ва “Фрозиноне” иштирокидаги учрашув 29 октябрь куни Тошкент вақти билан 16:30 да бошланади.
Фикрлар