Fedunni ko‘ndirishdi. "Spartak" RPLda qoladi

"Spartak" klubi xo‘jayini Leonid Fedun kecha "Sochi"ga (2:2) qarshi bo‘lib o‘tgan o‘yinda hakam tomonidan qilingan adolatsizliklardan so‘ng jamoasi ortiq Rossiya premer-ligasida ishtirok etmasligini bildirgandi. 

Ammo kecha tunda Rossiya futbol ittifoqi prezidenti Aleksandr Dyukov bu borada Fedun bilan qo‘ng‘iroqlashgan va uni o‘z qaroridan qaytarishga muvaffaq bo‘lgan. Bu haqda RBK xabar tarqatmoqda.

Bundan avvalroq esa, o‘yinni boshqargan Vasiliy Kazartsev hakamlikdan chetlatilgani haqida xabar berilgan edi.