Фергюсон МЮга шотландиялик футболчини сотиб олишни маслаҳат бермоқда
"Манчестер Юнайтед" клуби собиқ бош мураббийи сэр Алекс Фергюсон жамоага янги футболчилар топишда ёрдам бермоқда.
The Sun нашри тарқатган хабарга кўра шотландиялик мутахассис “қизил иблислар” раҳбариятига "Астон Вилла" ярим ҳимоячиси Жон МакГиннга эътибор қаратишларини сўраган. Таъкидлаш керакки, Фергюсон ушбу шотланд футболчисининг бобоси билан таниш ҳисобланади.
Ўз навбатида "Астон Вилла" 24 ёшли футболчини 55 млн еврога баҳоламоқда.
Маълумот учун, МакГинн ўтган мавсум “Астон Вилла” сафида жами 44та ўйинда майдонга тушди ва 7та гол ҳамда 9та голли узатма ёздириб қўйишга эришди.
Фикрлар